O Goberno Local de Sada promoverá un maior nivel de transparencia na repartición de subvencións a entidades culturais, deportivas ou educativas e, para iso, establecerá o seu carácter nominativo, tal e como se reflicte nos orzamentos de 2012 que o próximo día 28 serán sometidos ao debate e a aprobación do Pleno.

Deste xeito lograrase un dobre obxectivo: por unha banda as asociacións máis representativas do municipio saberán desde principios de ano con que recursos municipais van contar ao longo do exercicio, o que aumentará o seu grao de certidumbre e permitiralles planificar mellor as súas actividades; doutra banda dotarase ao sistema dun maior nivel de transparencia, xa que todos os cidadáns terán acceso á información acerca dos importes outorgados a cada asociación e poderán contrastalos coas actividades que desenvolva cada un delas en base ás obrigacións que adquiran co Concello.

O Goberno Local xa anunciou que manterá ou incrementará este ano as subvencións a entidades deportivas e aumentará un 33% as subvencións ás entidades educativas, que durante 2011 reducíronse un 25% como consecuencia do orzamento elaborado polo goberno anterior.