Sada sensibilizada co Síndrome 22q11

23/05/2018

Sada sensibilizada co Síndrome 22q11

A fachada do edificio de Servizos Administrativos do Concello de Sada estuvo iluminada de cor vermella esta pasada noite sumándose ao Día Internacional da Síndrome 22q11. 
 

 
Sada 23 maio 2018
 
A Asociación Síndrome 22q11 lanza por primeira vez a iniciativa "Luces polo 22q" co obxectivo de visibilizar a síndrome en diferentes localidades da xeografía española iluminando edificios ou monumentos emblemáticos de vermello, cor corporativa do 22q. Decenas de solicitudes foron presentadas demandando esta proposta de sensibilización, a la que se sumaron varios Concellos, entre eles o de Sada. 
 
Baixo a lema “Crea conciencia, fai visible o 22q”, a Asociación Síndrome 22q11 chamou a sumarse á iniciativa de iluminación, a noite do martes 22 de maio (Día Internacional da Síndrome 22q11), edificios ou monumentos emblemáticos, xa que este acto repercutirá a que a cidadanía comprenda a complexa situación na que se acha este colectivo e apoie as xustas reivindicacións das persoas afectadas e as súas familias.
 
22q11
 
A síndrome de deleción 22q11 comprende un grupo de trastornos que se producen pola perda dun fragmento ou rexión específica do cromosoma 22 que alberga medio centenar de xenes, algúns dos cales controlan determinados aspectos do desenvolvemento embrionario.
 
Como informa a Asociación, “os xenes desta rexión controlan a migración de células orixinarias dunha zona do esbozo do sistema nervioso central coñecida como -cresta neural-, que interveñen no desenvolvemento dunha serie de estruturas como o timo, a glándula paratiroides e o corazón. Estas células tamén participan no desenvolvemento do padal e de determinadas zonas do cerebro”.
 
O resultado é que as persoas afectadas pola síndrome presentan un conxunto de trazos característicos como defectos cardíacos, anomalías no padal, trazos faciais concretos e atraso no desenvolvemento. Ademais, estas persoas tamén padecen inmunodeficiencia, polo que presentan un maior risco de desenvolver enfermidades autoinmunes como púrpura trombocitopénica inmune e a artrite xuvenil idiopática.
 
A incidencia é de 1 de cada 4.000 recentemente nados pero aínda é moi descoñecido socialmente, o que lle leva a estar baixo o paraugas de Enfermidade Rara.

Arquivado en:
Alcaldía. Novas. Facenda, participación cidadá, transparencia, normalización lingüística e seguridade cidadá. Avisos. Sada.

Temas:
Benestar Social. Participación cidadá.

Perfís:
Veciños. Xuventude. Maiores.