Sada acolle un obradoiro de infraestrutura verde da área da Coruña

12/03/2018

Sada acolle un obradoiro de infraestrutura verde da área da Coruña

Mañá martes 13 de marzo ás 18:30 horas no Salón de Plenos da Casa do Concello desenvolverase un taller de participación aberto a todas aquelas persoas e entidades interesadas. Buscando recoller e integrar as ideas, opinións e propostas da poboación nesta estratexia.


O proxecto para o deseño da Infraestrutura Verde da Área da Coruña busca unha ordenación integral deste territorio desde o punto de vista ambiental, definindo as zonas naturais que protexerán a biodiversidade e promoverán os beneficios que a natureza ofrece aos seres vivos (purificación da auga e do aire, almacenamento de carbono, fertilidade do chan, contención de inundacións, provisións de alimentos, etc.).

Esta iniciativa na que están a traballar a Consellería de Medio Ambiente e Ordenación do Territorio, a Fundación Juana de Vega, o Instituto Tecnolóxico de Galicia e a Asociación de Desenvolvemento Rural Mariñas-Betanzos, marcará as accións de futuro de conservación e promoción das zonas de interese ambiental, ocio de natureza e xestión dos recursos propios desta área, que abarca o concello de Sada entre outros.

Para máis información consultar a páxina web de Infraestrutura Verde Coruna, ou mandar un correo electrónico a info@marinasbetanzos.gal ou a info@infraestruturaverdecoruna.gal.

Arquivado en:
Alcaldía. Novas. Facenda, participación cidadá, transparencia, normalización lingüística e seguridade cidadá. Avisos. Promoción económica, turismo e medio ambiente. Sada.

Temas:
Formación. Educación. Medio ambente. Participación cidadá.

Perfís:
Veciños. Xuventude. Maiores.

AXENDA