O goberno municipal proxecta obras en Cantalarrana

01/08/2017

O goberno municipal proxecta obras en Cantalarrana

O Concello destinará 660.000 euros do remanente a mellorar as redes de saneamento e pluviais para evitar inundacións en Cantalarrana e a reformar rúas das Brañas.


Sada 1 agosto 2017.

Sada porá a punto una das zonas máis afectadas polas inundacións. En paralelo á mellora que debe realizar a Xunta de Galicia para canalizar o río Maior e outras actuacións dependentes de Augas de Galicia, o goberno municipal realizará unha reforma en Cantalarrana. Destinará 662.531 euros do remanente a unha mellora das canalizacións de augas pluviais e de saneamento para evitar inundacións e reformará varias rúas.

As obras consistirán en substituír redes de augas e renovarán as varias rúas nas que a cota de beirarrúas estaba por baixo do necesario, o que causaba que se alagase con facilidade en días de abundantes choivas. Ademais, porase novo pavimento, plantaranse árbores, soterrarase todo o cableado aéreo de luz e teléfono e peonalizarase a rúa Abegondo. As outras rúas que se reformarán son Cambre, Culleredo e Avenida dá Coruña.

A Corporación municipal aprobou no último pleno ordinario un modificativo de crédito para destinar fondos do remanente a esta reforma. A reforma prevista, que contará con subvención da Deputación, supón unha aposta por "un proxecto máis ambicioso que o inicial". O Goberno local proxectou en principio a mellora das redes de saneamento e pluviais. O orzamento para esta obra era de 287.409 euros, dos que a Deputación achegaba 150.000 euros. O Executivo decidiu despois ampliar o proxecto e incluír a urbanización das vías.

“Este proxecto era demandado polos veciños e veciñas de Cantalarrana, explica o alcalde Benito Portela, e paliará as pequenas inundacións que sufrían desde hai moitos anos cada vez que tiñamos días de abundantes choivas. Ademais supón humanizar a zona con novos pavimentos, arbolado e a desaparición do cableado dos edificios”.

“Desde hai anos Cantalarrana demandaba unha actuación global que agora realizaremos ampliando o proxecto inicial de pluviais e saneamento para englobar o barrio na zona urbana” incdicou Portela.

 


Arquivado en:
Alcaldía. Novas. Facenda, participación cidadá, transparencia, normalización lingüística e seguridade cidadá. Administración local, obras e servizos. Urbanismo e emprego. Sada.

Temas:
Urbanismo. Mobilidade. Medio ambente. Participación cidadá. Obras e servizos.

Perfís:
Veciños. Xuventude. Maiores.

AXENDA