O goberno municipal leva a Pleno as correccións do PXOM e pon o documento a disposición dos veciños na web municipal.

24/05/2017

O goberno municipal leva a Pleno as correccións  do PXOM e pon o documento a disposición dos veciños na web municipal.


Sada 22 de maio 2017.

O Goberno Municipal de Sada, a través da Concellería de Urbanismo e Emprego xa ten publicado na web municipal os documentos relativos ao PXOM que van ao Pleno Ordinario deste xoves e que contan do dictame favorable da corporación.

A publicación na web municipal deste documento xunto con todos os documentos do PXOM, en todas as súas versións, así como dos informes emitidos, obecede á intención de que a cidadanía poida coñecer os cambios que se fixeron e as súas razóns.

O goberno de Sada lembra que o Plan Xeral foi aprobado provisionalmente polo Pleno do Concello de Sada o 17/03/2016 e de seguido foi remitido á Xunta de Galicia para que efectuará dentro das súas competencias a aprobación definitiva.

A  consellería de Medio Ambiente e Ordenación do Territorio, unha vez analizado o PXOM, puxo de manifesto unha serie de deficiencias para que, unha vez subsanadas e corrixidas, poida ser aprobado definitivamente.

O goberno municipal adaptou o documento á orde da Xunta de Galicia corrixindo as observacións e advertencias sobre a existencia de erros e deficiencias documentais e realizou a adaptación do PXOM ás cuestións relacionadas coa lexislación urbanística. Asemade realizou cambios complementarios ao contido da orde da Xunta relativas ao Pazo de Meirás,  Cerámicas de O Castro e as  Parroquias de Veigue e Carnoedo.

O documento definitivo, que desde está a disposición de todos os veciños e veciñas na web municipal, conta do dictame favorable da corporación que o pasado luns pola mañá reuniuse na Comisión de Urbanismo e na Comisión do Pleno.

 

Arquivado en:
Carnoedo. Alcaldía. Novas. Facenda, participación cidadá, transparencia, normalización lingüística e seguridade cidadá. Meirás. Mondego. Administración local, obras e servizos. Mosteirón. Urbanismo e emprego. Osedo. Soñeiro. Veigue.

Temas:
Economía. Urbanismo. Participación cidadá.

Perfís:
Veciños. Xuventude. Maiores.

AXENDA