Bases específicas de la convocatoria para la elaboración de las listas para la provisión temporal de puestos de auxiliar de Administración General

Enlace a las bases específicas de la convocatoria para la elaboración de las listas para la provisión temporal de puestos de auxiliar de Administración General - Página 144 

ANUNCIO

A alcaldía deste Concello por resolución de data 17 de xaneiro de 2012, aprobou as seguintes bases da convocatoria de selección de persoal:

BASES ESPECÍFICAS DA CONVOCATORIA PARA A ELABORACIÓN DAS LISTAS PARA A PROVISIÓN TEMPORAL DE POSTOS DE AUXILIAR DE ADMINISTRACIÓN XERAL

1ª.- Obxecto da convocatoria.- De acordo co disposto na bases segunda das xerais que rexen a elaboración das listas para a provisión temporal de postos de traballo do Concello de Sada o obxecto destas bases é regular a convocatoria específica de elaboración de listas para a provisión temporal de prazas de auxiliar de administración xeral para o Concello de Sada, nas modalidades establecidas no artigo 10.1 da Lei 7/2007, do 12 de abril, do Estatuto Básico do Empregado Público.-

As retribucións serán as especificadas para o posto que corresponda no Orzamento Xeral do Concello de Sada vixente no momento correspondente.

As funcións serán as do posto que se pretende cubrir segundo o establecido na Relación de Postos de Traballo (RPT) vixente do concello de Sada.

Unha vez elaborada definitivamente a lista se procederá ao chamamento inmediato da primeira persoa que corresponda da lista co obxecto de dar cobertura con carácter urxente e inaprazable á substitución transitoria da titular do posto de auxiliar de contratación co código da RPT 010008 adscrito á área de Secretaría Xeral.

2ª.- Clasificación:

3ª.- Presentación de instancias.

- As instancias, dirixidas ó señor Alcalde, presentaranse no Rexistro Xeral do Concello, sito na Avda. da Mariña 25, 15160 Sada, en horas de oficina, ou na forma prevista no artigo 38.4 da Lei 30/1992, de 26 de novembro, do réxime xurídico das Administracións Públicas e Procedemento Administrativo Común (tendo que anunciarse dita presentación vía fax ao número 981 621 274), durante o prazo de 10 días hábiles a partir do seguinte ó de publicación do anuncio da convocatoria no Boletín Oficial da Provincia da Coruña.-

As persoas aspirantes farán constar na instancia que reúnen tódolos requisitos sinalados nas bases xerais e achegarán a documentación establecida na base 5ª das xerais e:

- Xustificante de pago da cantidade de 10 euros en concepto de taxas, que se pagará en calquera das seguintes contas bancarias do concello establecidas nas bases xerais.

Só se devolverá no caso de que a persoa aspirante non sexa admitido ao proceso selectivo.

A ausencia de xustificante do aboamento das taxas, dentro do prazo de presentación de instancias, non poderá ser obxecto de emenda, determinando a exclusión da persoa aspirante.

- Fotocopia do D.N.I. ou resgardo do mesmo, pasaporte ou carné de conducir. No suposto de ser nacional doutros Estados: pasaporte ou documento válido correspondente que acredite a súa identidade e o visado correspondente, de ser este esixible, e no seu caso permiso de residencia en vigor.

4ª.- Normas finais.-

Primeira.- Para todo o non previsto nestas Bases será de aplicación supletoria o establecido na Lei Reguladora das Bases de Réxime Local, na Lei de Administración Local de Galicia, Real Decreto 896/1991, Real Decreto 364/1995 e demais lexislación vixente de aplicación.

BOLETIN OFICIAL DA PROVINCIA DA CORUÑA BOPBOLETIN OFICIAL DE LA PROVINCIA DE A CORUÑA

26 de enero de 2012 • Número 18 • Página 145

Segunda.- Agás a convocatoria, que se publicará segundo se establece na Base 3ª, os sucesivos actos e comunicacións que se deriven da celebración deste proceso selectivo faranse públicos só a través do taboleiro de anuncios do concello.

Terceira.- Todos os actos administrativos derivados desta convocatoria poderán ser impugnados polas persoas interesadas nos casos e na forma establecidos pola Lei 30/1992, do 26/11, do réxime xurídico das administracións publicas e do procedemento administrativo común e normas vixentes concordantes.

Sada, 18 de xaneiro de 2012

O alcalde

Ernesto Anido Varela