Novas
PRIMEIRO MERCADO MARIÑEIRO
29/07/10 Mañá venres día 30, sábado 31 de xullo e domingo día 1 de agosto celebrarase o PRIMEIRO MERCADO MARIÑEIRO DE SADA.
A Concellería de Educación e Xuventude clausura os cursos intensivos de verán cun grande éxito e a petición por parte dos e das participantes da súa continuación.
29/07/10 Os sadenses xa saben pedir un café, reservar nun restaurante e adquirir billetes de avión en inglés e alemán.
A Concellería de Educación e Xuventude - responsabilidade da socialista Raquel Bolaño - apostou, coa programación do verán 2010, polos idiomas, mediante a realización de cursos intensivos de alemán e inglés. Nestes cursos intensivos, se lle deu prioridade á conversación e a poder desenvolverse co básico nun pais de fala anglosaxona ou xermánica.
A Concellería de Educación e Xuventude pecha coa Xunta un convenio para que o alumnado do CEIP Sada y Sus Contornos poda optar ao servizo de comedor no Mosteirón.
O Convenio foi asinado pola Consellería de Educación, o Concello de Sada e a ANPA do centro. A Consellería asume as bolsas de comedor, a Concellería de Educación e Xuventude asume o trasporte do alumnado ao Mosteirón e a ANPA asume o coidado do alumnado no comedor e no transporte.
A Concelleira de Educación, a socialista Raquel Bolaño, anuncia a sinatura dun novo modelo de convenio coa Xunta para a prestación do servizo de comedor para o alumnado do CEIP Sada y Sus Contornos. O documento, previamente asinado pola Xunta, foi rubricado onte, martes, polo Concello e pola ANPA.
O novo centro de educación infantil xa é unha realidade: será xestionado pola Xunta e, a partir do luns, xa se poderán tramitar as preinscricións para o vindeiro curso 2010/2011.
28/07/10 O Convenio para que a Xunta asuma os gastos de xestión da nova Escola Infantil foi aprobado por mayoría absoluta do Pleno da Corporación.
A Concelleira de Educación, a socialista Raquel Bolaño, anuncia que a partir do vindeiro luns, 2 de agosto de 2010 e ata o 10 de setembro de 2010, se poderán tramitar as solicitudes de praza para o novo centro, xa que unha técnico se desprazará ata a Oficina Municipal da Xuventude para asesorar ás familias da documentación e trámites que será preciso realizar así como para tramitar as ditas solicitudes. A Concellería habilitóu unha liña de teléfono específica para a consulta de ditos trámites que estará operativa a partires do luns no número de teléfono 981 92 68 52.
A previsión de finalización das obras de construcción do centro será en decembro, polo que o novo alumnado se incorporará no ano 2011, posiblemente dentro do primeiro trimestre do ano.
O Alcalde e o Director de Zona de Caixanova asinaron un convenio de colaboración para actividades das festas de agosto
27/07/10 O Director de zona de Caixanova Octavio Fernández García e o director da Oficina de Sada, acudiron hoxe ao despacho da alcaldía para asinar un convenio de colaboración para a realización de actividades audiovisuais e de artes escénicas e musicais.
O convenio indica nas súas cláusulas que Caixanova comprométese a realizar actividades correndo cos gastos de contratación, confección de invitacións e programas de man, mentres que o Concello de Sada pon a infraestructura necesaria para cada actuación, así como os labores de carga e descarga e persoal técnico.
Convocatorias
BASES DA CONVOCATORIA PARA PROVISIÓN DUNHA PRAZA DE ANIMADOR SOCIOCULTURAL
En prazo de presentación: (28/07/2010 - 02/08/2010) 1ª.- Obxecto da convocatoria.- A provisión por concurso libre dunha praza de Animador sociocultural
para o Servizo de Xuventude do Concello de Sada, en réxime de contratación laboral temporal por
acumulación de tarefas por un período de un mes, segundo o artigo 3 do Real Decreto 2720/1998, de 18
de decembro, polo que se desenvolve o artigo 15 do Estatuto dos Traballadores en materia de
contratación de duración determinada.-
As retribucións serán as correspondentes ó posto de animador sociocultural.-
Funcións: A prestación do servizo de animación sociocultural: fomento das relacións interpersoais e da
integración do individuo no seu contexto sociocultural, actividades de xestión do ocio, fomento da
participación en actividades lúdicas e educativas, axuda para a saída de situacións problemáticas, etc.
Características de xornada: Dispoñibilidade ocasional. Xornada partida
Convocatoria de subvencións non nominativas en materia de deporte 2010
En prazo de presentación BASES POLAS QUE DEBE REXIRSE A CONVOCATORIA DE SUBVENCIONS NON NOMINATIVAS EN MATERIA DE DEPORTE
POLO CONCELLO DE SADA PARA O EXERCICIO 2010
DISPOSICIÓNS XERAIS.
Estas normas teñen por obxecto establecer os criterios e procedemento para a concesión de subvencións no ámbito do
termo municipal de Sada, de acordo cos principios de obxectividade, igualdade, concorrencia e publicidade, así como para
a prestación de servizos e realización de actividades que complementen ou suplan os atribuídos á competencia municipal
ou que, en xeral, contribúan ao fomento dos intereses peculiares do municipio de acordo co establecido na lexislación
sobre réxime local (Lei 7/1985 de 2 de abril reguladora das Bases de Réxime Local, Regulamento de Servizos de 1955,
Lei 5/1997 de Administración Local de Galicia, Lei 9/2007 de 13 de xuño, de Subvencións de Galicia, Lei 38/2003 de 17
de novembro, Xeral de Subvencións, Lei 47/2003, Xeral Orzamentaria). Asemade, será de aplicación a base n.º 36 das de
execución do orzamento vixente.
Avisos
